Германия Федеративдүү Республикасынын Элчилиги Германияга виза алууну каалагандардын күтүү убактысын кыскартууга умтулат. Бул үчүн элчилик визалардын айрым категориялары боюнча тейлөө борбору (VisaMetric) менен кызматташат; визалардын бардык башка категориялары боюнча арыздар элчиликке тапшырылат.  

Документтерди тапшыруу үчүн жазылуу онлайн режиминде акысыз жүргүзүлөт:

ШЕНГЕН ВИЗАсынын бардык түрлөрүнө (90 күнгө чейин болуу), ошондой эле Германиядагы AuPair программасына арызды VisaMetric виза борборлоруна тапшырса болот. Сураныч, арыз тапшырууга жазылуу үчүн Visametric-ке кайрылыңыз.

Visametric фирмасы виза төлөмү менен бирге Шенген визасы үчүн 23,16 евро жана улуттук виза үчүн 26,66 евро өлчөмүндө (Кыргызстандын Улуттук банкынын курсу боюнча сом менен) өз кызматы үчүн акы алат.

Документтерди тапшыруу үчүн кабыл алууга, өзгөчө өргүү мезгилинде жана майрамдардын алдында, өз убагында жазылууну өтүнөбүз. Сиз пландаган сапарга 6 ай калганда визага документтерди тапшырсаңыз болот. 

Башка категориядагы визаларды алуу үчүн арыз берүү (мисалы, үй-бүлөнү бириктирүү, окуу, тил курсу, кесиптик билим алуу, кеч көчүрүлгөн адамдар) элчиликке кайрылуу керек.

Бул максатта жазылуу системасы түзүлгөн.

Ар бир виза үчүн кайрылуучу өзү арыз берүү үчүн өзүнчө убакытты белгилеши керек.

Өзгөчө учурларда (тез медициналык жардамга муктаждык, өлүм учуру) төмөнкү маалыматтарды көрсөтүү менен байланыш формуляры колдонуу аркылуу кайрылыңыз: фамилиясы, аты, туулган жылы, паспортунун номери.

Эгер белгиленген убакта келе албасаңыз, сураныч, жолугушууну жокко чыгарыңыз. Бул сизге жөнөтүлгөн ырастоо-катында көрсөтүлгөн жокко чыгаруу шилтемеси аркылуу онлайн режиминде жасоо мүмкүн.

Дагы суроолоруңуз барбы? Биздин (көп берилүүчү суроолор) бөлүмдү караңыз FAQ