Элчилик жыл сайын тандалып алынган чакан долбоорлорго 25.000 еврого чейин каржылык колдоо көрсөтөт. Бул долбоорлор калктын аялуу катмарларынын жашоо шарттарын жакшыртууга конкреттүү салым кошууга жана калктын айрым өзгөчө оор кырдаалдарына жооп берүүгө багытталат.

Каржылоо үчүн талаптар

Долбоор төмөнкү шарттарга жооп берсе гана каржылоо каралат:

• балдар жана жаштар, аялдар, улгайган адамдар жана майыптыгы бар адамдар сыяктуу социалдык аялуу топторго түздөн-түз пайда алып келсе;
• жергиликтүү ишке ашыруучу уюм тарабынан өз алдынча ишке ашырылса;
• учурдагы бюджеттик жыл ичинде толугу менен аткарылып, аяктаса;
• долбоорду ишке ашыруучу тараптын же бенефициарлардын тиешелүү өз салымы каралса (мисалы: каржылык катышуу, эмгек салымы, жайлардын же материалдардын берилиши);
• элчиликтин каржылык колдоосу болбосо, долбоор ишке ашпай калышы ыктымал болсо.

Төмөнкүлөргө көңүл буруңуз: жеке адамдар же артыкчылыктуу топтор каржыланбайт. Долбоорду ишке ашыруучулардын эмгек акысы жана дары-дармек, тамак-аш, шприцтер, бинттер, мал азыгы сыяктуу үзгүлтүксүз керектелүүчү чыгымдар да каржыланбайт. Долбоор бюджеттик жылдын ичинде аякташы керек жана элчилик үчүн туруктуу милдеттенмелерди же кошумча чыгымдарды жаратпашы зарыл.

2027-жылдагы долбоорлор үчүн арыз берүү

Кызыкдар уюмдар эки тилде толтурулган кыска арызды тапшыруусу керек: немис же англис тилинде жана кыргыз же орус тилинде.

Кыска арызды 2026-жылдын 15-ноябрына чейин төмөнкү электрондук дарегине жөнөтүңүз: wi-100@bisc.auswaertiges-amt.de

Белгиленген мөөнөт өткөндөн кийин элчилик келип түшкөн долбоордук сунуштарды карайт. Андан соң талапка жооп берген арыз ээлерине кийинки кадамдар тууралуу маалымат берилет.

Чектелген каржылык мүмкүнчүлүктөрдөн улам, 2027-жылы ишке ашыруу үчүн эң келечектүү жана социалдык жактан эң маанилүү чакан долбоорлор гана тандаларын түшүнүүңүздү суранабыз.