Федералдык Тышкы иштер министрлигинин веб-баракчасына кош келиңиз
Академиялык билими бар квалификациялуу адистер үчүн виза (§18b Аймакта болуу мыйзамы)
Жалпы маалымат
Германияда таанылган академиялык билими бар квалификациялуу адис катары, сиз каалаган квалификациялуу жумушка орношуу үчүн, Германияда жашоого уруксат ала аласыз.
- Эгерде университетте окуу учурунда же квалификациялуу кесиптик окууда алынган көндүмдөрдү, билимдерди жана жөндөмдөрдү талап кылса, анда бул квалификациялуу жумуш деп эсептелинет.
Арыз тапшыруу
Арыз берүүдөн мурун "Улуттук визалар үчүн виза тартиби жана документтер жөнүндө жалпы маалымат" менен таанышыңыз!
Бардык документтер немис тилине котормосу менен, бардык түп нускалары жана котормолору - бир нускада берилиши керек.
Визага алуу үчүн сизге төмөнкүлөр керек:
- жеке маалыматты камтыган паспорттун барагынын көчүрмөсү жана паспортто болгон визалар, штамптар же жазуулардын көчүрмөлөрү
- пландалган сапар аяктагандан кийин дагы 3 айдан кем эмес жарактуу
- акыркы 10 жыл ичинде берилген
- жок дегенде 2 бош барак бар
немис же англис тилдеринде толтурулган анкета
- өлчөмү 3,5 x 4,5 см
- сүрөттөрдү кандайдыр бир иштетүүгө же ретуш кылууга тыюу салынат
- үлгү сүрөттөр
- сүрөттүн биометрикалык шаблону
- сүрөттүн биометрикалык шаблону, балдар үчүн
Эгерде үй-бүлө мүчөлөрү Германияда жашаса
- паспорттун/өздүгүн тастыктаган күбөлүктүн көчүрмөлөрү
- күйөөсүнүн / жубайынын жашоого уруксаттын көчүрмөлөрү
- каттоо күбөлүгү (алты айдан эски эмес)
Жумушка орношуу тууралуу далил
- Айлык маянасы жана иштей турган сааттары көрсөтүлгөн, кол коюлган эмгек келишими
- Иш берүүчү тарабынан толтурулган жана кол коюлган : "Эмгектик мамилелер жөнүндө декларация" (Erklärung zum Beschäftigungsverhältnis)
же болбосо
- Vorabzustimmung (VAZ) der zuständigen Ausländerbehörde oder der Bundesagentur für Arbeit (Kopie/Ausdruck ist ausreichend)
- Федералдык ишке орноштуруу агенттигинен (VAZ) же жооптуу иммиграция органынан алдын ала уруксаты (көчүрмө жетиштүү)
- Жогорку окуу жайдын диплому (тиркемеси менен) түп нуска жана бир көчүрмө
Билимди таанылышын тастыктоо:
- Диплом жана университет тууралуу "Анабин" маалымат базасынан көчүрмө
же, эгерде "Анабин" маалымат базасында диплом "дал келет", "эквиваленттүү" жана/же университет "H+" деп көрсөтүлбөсө,
анда
- Чет элдик билим берүү боюнча борбордук агенттик (ZAB (Zentralstelle für ausländisches Bildungswesen)) тарабынан дипломду баалоо күбөлүгү, түп нускада жана бир көчүрмө
же, кесиби боюнча иш жүргүзүү үчүн лицензия талап кылынган жөнгө салынуучу кесиптер үчүн, мисалы, дарыгерлер, инженерлер; толук тизмеси иш менен камсыз кылуу боюнча федералдык агенттикте же ЕБ Комиссиясында жайгаштырыдгын
- анда ыйгарым укуктуу органдын кесиптик иш жүргүзүүгө уруксаты же профессионалдык иш жүргүзүүгө уруксаттын кепилдиги керек, түп нускада жана бир көчүрмө
Билимди таануу темасы боюнча көбүрөөк маалыматты бул жерден табасыз: Германияда билимди таануу
Жашы боюнча тиешелүү социалдык камсыздоонун бар экендигин тастыктоо:
- Аймакта болуу мыйзамдын 18§ 2 беренесинин 5-пунктуна ылайык адекваттуу пенсия менен камсыз болгондугунун далили: Эгерде сиз Аймакта болуу мыйзамдын 18a жана 18b бөлүмдөрүнө ылайык жашоого уруксат алуу үчүн биринчи жолу арыз берип жатсаңыз жана сиздин дүң эмгек акыңыз, жок эле дегенде, 55% эмес болсо талап кылынат (2025: 4.427,50 евро айына / 53.130,00 евро жылына ).
- Сиз кошумча пенсия менен камсыз кылуунун далили катары активдердин ар кандай түрлөрүн көрсөтө аласыз. Аларга мыйзамдуу, мамлекет тарабынан жөнгө салынуучу пенсиялык камсыздоо, жеке пенсиялык же өмүрдү камсыздандыруу полистеринен алынган пайдалар, кыймылсыз мүлк жана башка активдер кирет.
- Басып чыгарылгае жана кол коюлган Нускама, Аймакта болуу мыйзамынын 18§, 2-беренесинин 4 пунктуна ылайык, конкреттүү жумуш сунушу бар экендиги жөнүндө
- Нускама англис тилинде: https://digital.diplo.de/api/uploads/erkl_18_en_0029569de1.pdf
- Басып чыгарылгае жана кол коюлган, Аймакта болуу мыйзамынын § 81a ылайык, тездетилген квалификациялуу жумушчу процедурасын жүргүзүү тууралуу түшүндүрмө.
- Түшүндүрмө англис тилинде:: https://digital.diplo.de/api/uploads/erkl_FKV_parallel_EN_54f76c02b7.pdf
ошондой эле
Германиянын ден соолукту камсыздандыруу полиси, же саякаттоочунун медициналык камсыздандыруусу.
жана
- Арызды карап чыгуу акысы учурда €75.00 турат.
- Виза төлөмдөрү Кыргыз Республикасынын улуттук валютасы сом менен накталай түрдө же кредиттик же дебеттик карта аркылуу виза алуу үчүн кайрылганда төлөнөт.
- Сумманы учурдагы курс боюнча виза бөлүмүнөн биле аласыз; Евро же башка валюталардагы төлөмдөр кабыл алынбайт.
- 18 жашка чыга элек өспүрүмдөр үчүн төлөм суммасынын жарымы, б.а. 37,50 евро, 50-бөлүмгө ылайык 1-пункттун 1-жүрмөсү, ,AufenthV, 80-бөлүмүнүн 3-пунктунун AufenthG менен бирдикте алынат.
